- Wong Embi Yen -
Tan bakal bisa linirwakake
gumelar jembare pepiling edi
kang wus den ukir ana ing watu gunung
ing tetuwuhan pengkuh lan gegodhongan ijo
ing wedhi gisik lan dhasare samudra
ing pojok-pojok kutha lan karang padesan
ing mega putih kapas lan warnane kluwung
ing padang-jingglang awan lan ndhedhete wengi
ing panas terik bagaskara lan pasuryane rembulan ndadari
ing tetesing udan nggrejih lan pusere angin lesus
ing suka-rena gegojegan lan ombake nestapa lara lapa
kabeh pinatri sayekti sajroning netra lan sarandune pengangen
hamung lelumban ing segara madu kabagyan sih katresnan tulus
duh sigaraning nyawapapanmu ana telenging atiku
- 6 Februari 2010 -
Tidak ada komentar:
Posting Komentar